реклама
Македонија е безбедна, настаните на северот на Косово не ја загрозуваат безбедноста на државата, изјави денеска министерката за одбрана Славјанка Петровска. Таа додаде дека внимателно ја следат ситуацијата на северот на Косово, не само како сосед, туку и како земја членка на НАТО, но нагласи дека не е прашањето дали само ние сме безбедни, туку сите мораме да придонесеме за да има мир и стабилност во целиот регион. Петровска го осуди нападот врз косовската полиција и додаде дека приоритет на Приштина и Белград е да се вратат на дијалогот.
И нејзиниот колега од Норвешка, министерот за одбрана Арилд Грам, остро го осуди вчерашниот напад на Косово, додавајќи дека таквите напади се неприфатливи. Тој ги повика страните да се вратат на дијалогот за да се спречи понатамошна ескалација на ситуацијата.
реклама
„Сите сме загрижени за ситуацијата на северот на Косово. Норвешка го осудува нападот врз косовската полиција што се случи вчера на северот на Косово. Не знам дали е можно да се споредуваат или дали е продуктивно да се споредуваат различни конфликти со она што се случува во Украина и овој овде на Косово. Секоја ситуација има своја динамика и мора да реагираме на соодветен начин. Што се однесува до ситуацијата во Косово, мислам дека двете страни треба да ја исполнат својата улога и повторно да се вратат на дијалогот“, вели Арилд Грам.
Во вчерашниот напад во Косово загина полицаецот Африм Буњаку, а уште еден полицаец е ранет.
реклама
