Со уште една импресивна победа, фудбалерите на Куракао го презедоа врвот во квалификациската група за Светското првенство и пред последното коло им треба само бод за првиот, историски пласман на Светското првенство.
Куракао е приказна на годината во квалификациите за Светското првенство, а по победата од 7-0 над Бермудите на гости, им треба само еден бод во квалификациите за зоната КОНКАКАФ (Северна и Централна Америка) за да одат на Мундијалот.
Оваа поранешна холандска колонија, во случај да се квалификува за Светското првенство, би станала најмалата земја во историјата што играла на Светското првенство, и тоа убедливо. На островите живеат приближно 150.000 жители. Куракао е составен претежно од играчи од холандското првенство, а многу од нив играле и во други лиги во Европа.
Во последното коло и дербито против Јамајка, Куракао ќе оди на бод за да стане најмалата земја во историјата што се квалификувала за Светското првенство. Натпреварот се игра на Јамајка. Дури и да не успее, ќе има голема шанса преку баражот да обезбеди пат на Мундијалот.
Извор: vecer.mk
