Илјадници Израелци протестираа во Тел Авив барајќи договор за размена на заробеници

ЕРУСАЛИМ/ИСТАНБУЛ (АА) – Десетици илјади Израелци протестираа во центарот на Тел Авив во саботата барајќи договор што ќе обезбеди ослободување на сите заробени Израелци во Појасот Газа, објавија локалните медиуми, известува Агенција Анадолија.

Весникот „Једиот Ахронот“ објави дека демонстрантите марширале од Плоштадот на заложниците во центарот на Тел Авив до експозитурата на амбасадата на САД на улицата ХаЈаркон, барајќи сеопфатен договор.

Весникот информираше дека демонстрантите носеле транспаренти и скандирале за крај на војната и итно враќање на заложниците.

Во веста се наведува дека како што е соопштено, и поранешни заложници ослободени од Хамас учествувале во маршот.

Учесниците упатиле директни апели до израелските лидери и до американскиот претседател Доналд Трамп да се стремат кон финализирање на сеопфатен договор.

Медиумите објавија дека стотици демонстранти одржале слични протести и во други подрачја, вклучувајќи ја раскрсницата Каркур и улицата Ротшилд во Цезареја, на северот.

Во текот на изминатите 21 месец, се одржаа неколку рунди индиректни преговори меѓу Израел и Хамас за да се стави крај на војната и да се олесни размената на заробеници.

Два делумни договори беа постигнати во ноември 2023 година и во јануари.

Израелскиот премиер Бенјамин Нетанјаху кој е баран од Меѓународниот кривичен суд, се откажа од финализирањето на најновиот договор и ја продолжи војната на 18 март.

Хамас повеќепати ја потврди својата подготвеност да ги ослободи сите израелски заложници „во една група“ во замена за прекин на геноцидот и повлекување на израелските сили од Газа.

Отфрлајќи ги меѓународните повици за прекин на огнот, израелската војска спроведува брутални напади врз Газа од крајот на 2023 година, во кои се убиени речиси 59.000 Палестинци, повеќето од нив жени и деца.

Немилосрдното бомбардирање ја опустоши енклавата и доведе до недостиг на храна и ширење на болести.

Во ноември минатата година, Меѓународниот кривичен суд издаде налози за апсење на Нетанјаху и поранешниот министер за одбрана Јоав Галант за воени злосторства и злосторства против човештвото во Газа.

Израел е обвинет за геноцид пред Меѓународниот суд на правдата поради војната во палестинската енклава.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.