Поранешната прва дама на Франција, Карла Бруни, дефинитивно е позната како посветена сопруга, бидејќи најави дека секој ден ќе го посетува својот сопруг Никола Саркози, кој неодамна беше осуден на пет години затвор.
Ова го вели Бесма Лахори, биографката на Карла Бруни, која самата нагласи дека Карла е „исклучително посветена сопруга“ и дека ќе направи сè за да се осигури дека поранешниот француски претседател ќе биде ослободен што е можно поскоро. Таа е дури и подготвена, доколку е потребно, да „помести небо и земја“, тврди таа.
Саркози беше прогласен за виновен за криминален заговор за примање нелегални средства од Моамер Гадафи и беше осуден на пет години затвор.
Се очекува тој да ја отслужи казната во затворот Ла Санте во Париз, почнувајќи од октомври, во ќелија од 12 квадратни метри.
Карла Бруни и Никола Саркози се во брак од 2008 година, а се запознале една година претходно, кратко откако Саркози се разведе од политичарката Сесилија Атијас, со која има син, Луј. Тоа беше љубов на прв поглед, а заедничките пријатели им го „договорија“ нивниот состанок.
Тие имаат ќерка, Џулија, а поранешната прва дама има син, Орелиен, од врската со радио водителот Рафаел Ентовен. Таа беше модел и пејачка, потоа прва дама на Франција, а беше поврзана и со Доналд Трамп, иако го негираше тоа.
Поради нејзиниот скандалозен живот, проблеми со пороците, но и промени во изгледот, таа беше предмет на јавен интерес и се сметаше за недостојна за титулата „прва дама“, а нејзината љубовна приказна со Саркози е една од најследените на светската сцена.
Извор: vecer.mk
