И по пријавите, истите деца се на улица, според Тренчевска протоколот континуирано се применува

Секој ден, на истите места, ги гледате истите деца како бараат милостина. И покрај тоа што ТВ21 пријави ваков случај до Социјалниот центар, истото дете повторно е најдено на улица како бара милостина. Запрашана дали овој случај покажува дека протоколите што се спроведуваат не функционираат, министерката за труд и социјална политика мисли поинаку.

Министерката Тренчевска најави дека во текот на зимата ќе има повеќе екипи на терен, но денеска не одговори конкретно туку го повтори истото што го кажа пред еден месец.

Инаку, разни невладини организации фрлаат сомнеж дека децата кои бараат милостина на улица во повеќето случаи се злоупотребувани од разни криминални групи, а не од нивните семејства.