Хил во пресрет на средбата меѓу Вучиќ и Курти во Брисел вели дека не очекува брзи резултати

February 27, 2023
1 min read

Американскиот амбасадор потврди дека денеска во Брисел е и специјалниот претставник на САД за Западен Балкан, Габриел Ескобар, и дека ќе учествува во дијалогот

Американскиот амбасадор во Србија, Кристофер Хил, во пресрет на средбата меѓу српскиот претседател Александар Вучиќ и косовскиот премиер Албин Курти во Брисел за српските медиуми во Крагуевац изјави дека нема илузии дека може да дојде до брзи резултати, пренесува регионалниот сервис на Радио Слободна Европа (РСЕ).

Амбасадорот на Соединетите Американски Држави во Белград, Кристофер Хил/Фото: EPA/MATTHEW CAVANAUGH

Хил воедно рече дека средбата меѓу двајцата лидери во Брисел покажува дека Европската Унија (ЕУ) се обидува да најде решение што ќе им одговара на сите во иднина.

„Процесот во Брисел секако не може да ги задоволи оние што веднаш очекуваат задоволителен исход“,

вели Хил.

Американскиот амбасадор потврди дека денеска во Брисел е и специјалниот претставник на САД за Западен Балкан, Габриел Ескобар, и дека ќе учествува во дијалогот.

„Сакам да нагласам дека САД и Европската Унија многу тесно соработуваат по ова прашање и ние сме многу посветени да работиме заедно на ова“,

вели Хил.

Во меѓувреме, од дипломатски извори се дознава дека Ескобар ќе има средби со претседателот на Србија, Вучиќ и со косовскиот премиер Курти во пресрет на состанокот во седиштето на ЕУ.

Американскиот амбасадор во Белград за српските новинари додал дека од гледна точка на САД е важно што поскоро да се постигне и реализира Заедницата на општини со српско мнозинство на Косово.

Средбата меѓу претседателот на Србија Александар Вучиќ и премиерот на Косово Албин Курти е најважниот момент во процесот на нормализација на односите во последните десет години.

На средбата денеска се очекува лидерите да потврдат пред посредниците на Европската Унија дека го прифаќаат европскиот план.

Според агендата, предвидено е високиот претставник ЕУ, Жосеп Борел, и специјалниот претставник на ЕУ, Мирослав Лајчак, најпрво ќе остварат одвоени средби со Вучиќ и Курти по што ќе следува и заедничка средба.

Ова би бил втор договор на страните во дијалогот, по бриселскиот договор постигнат во април 2013 година.

Американскиот амбасадор во Србија потсети и дека Србија се согласила на необврзувачка резолуција со која се повикува Русија да ги прекине непријателствата во Украина и бара повлекување на руските сили.

„Значи, на Русија и беше даден многу јасен сигнал дека треба да ја прекине својата агресија“,

рече Хил.

Генералното собрание на Обединетите нации (ОН) ја одобри резолуцијата на 23 февруари.

Сите земји од Западен Балкан членки на Генералното собрание на Обединетите нации, вклучително и Србија ја поддржаа резолуцијата.

Инаку, Србија и понатаму одбива да ги поддржи санкциите што Европската Унија ги воведе кон Москва.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Ѓорѓиевски: Продолжуваме секој ден да ја унапредуваме Кисела Вода

Следно

Злоупотребен приватниот ФБ профил на претседателката на ДКСК

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop