Седумкратниот светски шампион Луис Хамилтон ја анализираше својата прва трка за Ферари, откако во Австралија стартуваше од осмо, а заврши на десетто место, а непосредно пред последниот силен дожд накратко беше на чело на колоната.
-Дефинитивно направив чекор напред во петокот. За мене беше важно да изградам самодоверба. Во петокот кога влегов во болидот немав доверба, особено во брзите свиоци, ситуацијата беше сериозна. Потоа во саботата почна да ми се враќа самодовербата, беше сè подобро и подобро. Кога дојде време за трката во недела, се вративме на почеток, со Ферари почнавме од нула, во поголемиот дел од трката немав самодоверба, изјави Хамилтон.
Вели и дека со поставките, автомобилот бил многу тежок за возење, но изминатиов викенд научил многу и донел многу заклучоци.
-За следната трка треба да направиме некои промени и ќе видиме што ќе се случи. На дождот постојано бев на работ да доживеам несреќа, изјави возачот на „скудерија“.
Извор: kurir.mk
