Груевски бара од Мицкоски да каже дали е точна изјавата за ФАЦ и да даде доказ дека прифатил валкана игра со власта!

По изјавата на лидерот на ВМРО-ДПМНЕ, Христијан Мицкоски дека екс лидерот на партијата Никола Груевски и Владата имаат „валкан дил“, се јави и Груевски.

Тој прашува дали е точно дека тоа го кажал во изјава за германскиот медиум.

„Во врска со изјавата на Христијан Мицковски за германскиот медиум ФАЦ а поврзано со мене, го повикувам јавно да одговори на следните две прашања:

Дали е точно дека тоа го кажал во изјавата за германскиот медиум,
Доколку е точно, дали може лично тој јавно да каже со кој мој потег, изјава, натпис или било што јас сум се обидел да ја поделам партијата и да даде доказ дека јас сум прифатил валкана игра со власта која треба да ја спроведам со помош на мои приврзаници во партијата.

Се надевам дека одговорот ќе е јасен, недвосмислен, директен и личен исто како и изјавата, без префрлање на изјави на преставници на партијата, портпароли, давање брифинзи на портали или други медиуми со кои има блиска соработка“, пишува Груевски.