Градоначалникот на Општина Бутел, Костовски, најави силна градежна офанзива за оваа пролет, со фокус на подобрување на инфраструктурата во населбите Скопје Север, Бутел 2 и Визбегово.
Во рамките на овој амбициозен проект се предвидува асфалтирање на големи и клучни улици, реконструкција и изградба на паркинг простори, како и создавање нови катчиња за рекреација во соодветни локации.
„Денес бевме на терен и, во консултација со граѓаните, ги лоциравме главните потреби за подобрување на инфраструктурата,“ напиша на својата официјална фејсбук страница градоначалникот Костовски.
Општина Бутел бележи нови ритми на развој. „Градиме како никогаш досега и поставуваме нови стандарди,“ пишува понатака градоначалникот Дарко Костовски, испраќајќи порака на оптимизам за иднината на општината.
