Градоначалникот на Општина Бутел и воедно кандидат на ВМРО-ДПМНЕ за втор мандат, Дарко Костовски, објави видео од неговата средба со легендата на македонскиот спорт и почесниот граѓанин на Бутел, Шабан Трстена.
Во пријателска атмосфера, за време на симболичен чај, Костовски ја изрази својата благодарност и почит кон олимпискиот шампион, нагласувајќи дека Трстена е гордост не само на Бутел, туку и на цела Македонија.
„Голема чест е да имаш сограѓанин како него, шампион кој со својот труд и талент го издигнал нашиот знаме на најголемите светски сцени. Шабан Трстена е симбол на посветеност, дисциплина и успех,“ изјави Костовски.
Костовски потсети дека Општина Бутел оваа година го прогласи Трстена за Почесен граѓанин, оценувајќи го како „спортист на векот“ и инспирација за младите генерации.
„Искрена благодарност за топлиот прием и за примерот што секојдневно ни го дава. Ваквите шампиони се национално богатство,“ додаде Костовски.
Според Костовски, Бутел е општина на успешни луѓе, кои со својата работа и вредности го прават името на државата препознатливо низ целиот свет. Овој негов гест се смета за уште еден доказ за неговата посветеност во промовирањето на истакнатите личности од заедницата и зајакнувањето на локалната гордост.
