Кандидатот за градоначалник на Скопје, Орце Ѓорѓиевски, денес ја одбележа Меѓународниот ден на белиот стап, симбол на независноста, достоинството и самостојноста на лицата со оштетен вид.
Заедно со претседателката на Република Македонија, Гордана Сиљановска-Давкова, Ѓорѓиевски ја посети ДУРДМОВ „Димитар Влахов“ во Скопје, каде уживаше во музичките изведби на децата, моменти исполнети со емоции и радост.
„Наш врвен приоритет ќе бидат лицата со посебни потреби. Градот Скопје ќе биде град на хуманоста кон сите негови жители,“ изјави Ѓорѓиевски.
Тој истакна дека во изминатиот период, како градоначалник на Кисела Вода, обезбедил книги на Брајово писмо и нови униформи за децата, со цел да се подобрат условите за сите.
„Во градот Скопје ќе продолжиме со истата посветеност. Ќе работиме на тоа градот да биде поврзан со дактилни патеки кои ќе им овозможат на лицата со оштетен вид полесно и побезбедно движење. Нашата цел е Скопје да стане вистински инклузивен град каде секој човек ќе може да живее достоинствено, слободно и рамноправно,“ порача Ѓорѓиевски.
