Денеска, Скопје беше домаќин на свеченото осветување на храмот „Свети Константин и Елена“, настан кој ја одбележа големата духовна важност на градот.
„По многу децении на чекање и борба, Скопје повторно го добива својот свет храм како живо сведоштво дека Божјата промисла е посилна од сите човечки планови и дека верата никогаш не може да се сруши“, изјави Орце Ѓорѓиевски, градоначалник на општина Кисела Вода и кандидат за градоначалник на Скопје.
Храмот, првобитно изграден пред Првата светска војна и осветен во 1926 година, ќе биде место за утеха во тешкотиите, светилник на надежта и дом каде верниците ќе ги возвишуваат молитвите кон Бога.
„Свети рамноапостоли Константине и Елена, молете Го Бога за нас и бдејте над градот Скопје, за во него да владеат вера, мир и љубов“, порача Ѓорѓиевски.
Со повторното осветување на храмот, Скопје ја враќа својата духовна длабочина и симбол на вербата и единството на граѓаните.
