Барселона дојде до важна победа на гостувањето кај Спарта Прага во седмото коло од Лигата на шампионите, но натпреварот донесе и некои негативни вести, посебно за повредата на Педри.
Играчот од средниот ред беше заменет по еден час игра од неговиот соиграч Дани Олмо, а локалните медиуми „Мундо Депортиво“ и „Спорт“ информираат дека играчот скинал мускул на десната нога. Шпанскиот репрезентативец доживеа идентична повреда на истиот мускул во октомври, а потоа мораше да се опоравува три недели. Претпоставките во печатот се дека сега веројатно ќе мора да помине повеќе време надвор од теренот за да биде сигурен на „Камп Ноу“ дека овие проблеми нема да станат проблем во блиска иднина.
Отсуството на Педри сигурно ќе биде сериозен удар за плановите на Ханси Флик и штабот на Барселона, бидејќи играчот од средниот ред е еден од најдобрите играчи во тимот.
Во оваа фаза, претпоставките се дека тој ќе ги пропушти натпреварите против Овиедео, Елче, Мајорка, Жирона и Леванте во Ла Лига, Копенхаген во Лигата на шампионите и натпреварот против Албасете во Кралскиот куп. Педри сепак ќе биде подложен на дополнителни медицински тестови во наредните денови за да се разбере точно колку е сериозна неговата повреда.
Извор: vecer.mk
