Голем пожар попладнево избувна во фабрика за преработка на млеко во тетовското село Камењане во Општина Боговиње. Се работи за компанијата „Хит 73“ во која се преработува млеко и се произведуваат млечни производи.
Бројни противпожарни екипи се обидуваа да го изгаснат огнот кој брзо се проширил речиси на целата фабрика. Официјално сѐ уште не се познати причините за пожарот.
Од Центарот за управување со кризи (ЦУК) велат дека пожарот е толку голем што на тетовските пожарникари на помош им доаѓаат противпожарни екипи од Скопје, Гостивар и Кавадарци.
Пожарот е локализиран по речиси два часа интензивна борба со огнот од страна на пожарникарите.
Извор: 24vesti.mk
