АФИОНКАРАХИСАР (АА) – Во подрачјето на Ихсаније, во турската област Афионкарахисар, се наоѓа регионот Фригија, лоциран во Фригиската долина која има богата историја стара 3.000 години.
Во овој регион, кој е единствената населба на Фригиската цивилизација, се наоѓаат селото Ајазини, долината Ѓојнуш, езерото Емре, историски карпести населби, врежани карпести гробници и камени формации, познати и како „самовилски оџаци“, создадени од ефектот на дождот и ветерот врз вулканските карпи. Фригиската долина, позната и како „мистериозна земја“, привлекува внимание со својот природен музејски изглед. Ова историското место е познато и како Втора Кападокија.
Во регионот можат да се видат трагите на фригиската цивилизација, која потекнува од 9 век п.н.е.. Планинскиот Фригиски регион, денес се протега на подрачјето на турските области Кутахија, Афјон и Ескишехир. Фригиската долина, која има геолошка структура од вулкански карпи и открива уникатен архитектонски концепт изграден со резбарење на лесно обработливите карпи, била инспирација за многу цивилизации во годините што следеле. Фригиската долина благодарени на своите природни убавини, карпести населби, „самовилски оџаци“ и 3000-годишна историја е меѓу 10-те најубави долини во Туркије. Локалните и странските туристи кои доаѓаат во подрачјето Ихсаније во турската област Афионкарахисар, имаат можност да патуваат низ времето при посета на регионот, кој е познат и како „Мистериозна земја“ благодарение на својата богата историја.
– Фригија
Фригија е древно кралство во централниот дел од Анадолија, која владеела околу долината на реката Сангарис. Фригија била регион на големите царства од тоа време.
Легендите раскажуваат за неколку познати фригиски кралеви. Еден од нив е Гордиј, чиј Гордиев јазол подоцна го пресекол Александар Македонски. За кралот Мида се раскажувало дека сѐ што ќе допрел претворал во злато и кралот Мигдон, кој војувал со Амазонките.
Фригија во своето дело ‘Илијада’ ја споменува и Хомер. Во ‘Илијада’ Фригијците се претставени како сојузници на Тројанците во борбата против Ахајците во Тројанската војна, кои тоа го направиле како возврат што тројанскиот крал Пријам им помогнал на Фригијците во нивната борба против Амазонките.
Фригија својот врв го доживува кон крајот на 8-миот век п.н.е. за време на владеењето на кралот Мида, кој управувал со поголемиот дел од западна и централна Анадолија.
По освојувањето на Фригија од Византија Фригијците станале христијани и се асимилирале во византиската држава.
Извор: Anadolu Agency (AA)
