ПАРИЗ (АА) – Сенатот, Горниот дом на францускиот парламент, го одобри нацрт-законот со кој се забрануваат бракови меѓу француски државјани и нерегуларни имигранти, известува Анадолу.
На пленарна седница на Сенатот се расправаше за нацрт-законот кој има за цел да им забрани да се венчаат на нерегуларните имигранти кои ги немаат потребните документи за престој во француската земја.
На гласањето одржано во Генералното собрание, предлог-законот беше прифатен со 227 гласови „за“ и 110 гласа „против“.
Предлог-законот, поднесен до Сенатот од страна на центристичкиот сенатор Стефан Думији (Stéphane Demilly), има за цел да им забрани на француските граѓани да стапуваат во брак со нерегуларни имигранти.
Предлог-законот предвидува странците да докажат дека имаат дозвола за престој во Франција доколку сакаат да стапат во брак со државјанин на Франција.
Говорејќи во Сенатот, Думији тврдеше дека овој предлог-закон не содржи никаква омраза кон странците и наведе дека станува збор за предлог-закон кој има за цел да ги заштити француските градоначалници.
Предлог-законот, поддржан од владата, беше критикуван од левичарските сенатори кои велат дека законот е неуставен.
Предлог-законот се очекува да биде разгледан и во Националното собрание, долниот дом на парламентот.
Социјалистичките парламентарци истакнаа дека ќе се жалат до Уставниот совет доколку овој предлог-закон биде прифатен во Собранието.
Извор: Anadolu Agency (AA)
