(ФОТОГАЛЕРИЈА) Над 200 судии на избори бираат двајца членови за Судскиот совет

July 13, 2023
1 min read

Гласањето денеска трае до 15 часот, а потоа се очекува изборните материјали од сите судови каде што се гласа да бидат испратени во Судскиот совет, кој ќе треба да ги објави прелиминарните резултати

Вкупно 236 судии денеска на непосредни избори гласаат за избор на двајца нови членови на Судскиот совет.

Станува збор за избори за двете испразнети места по оставките што, по контроверзиите во Советот, си ги поднесоа врховната судијка Мирјана Радевска-Стефкова и Зоран Герасимовски од Апелацискиот суд во Скопје.

За пополнување на овие две места на двете изборни листи има тројца кандидати. Од редовите на Врховниот суд единствен кандидат е Наке Георгиев. За член на советот од скопското апелациско подрачје, под кое покрај Апелација влегуваат и повеќе основни судови од околните градови, пак, има двајца кандидати: Антоанета Димовска од Основниот граѓански суд во Скопје и Лазар Нанев, кој е претседател на Основниот суд во Кавадарци.

За избор на член на Советот од редовите на Врховен, право на глас имаат вкупно 16 судии од овој суд и извесно е дека Георгиев како единствен кандидат ќе биде избран.

Останатите 220 судии кои денеска имаат право на глас, пак, се под изборната единица на скопското апелациско подрачје и тие ќе гласаат помеѓу Димовска и Нанев.

Гласањето започна утрово во 8 часот и ќе трае до 15 часот.

„По затворањето на гласачките кутии, ќе се избројат резултатите и ќе се направи записник во избирачките места. Целиот изборен материјал потоа ќе се носи во Судскиот совет на РСМ, каде Комисијата за избори сукцесивно ќе ги објавува прелиминарните резултати и ќе направи записник“,

велат од Судскиот совет.

Кандидатите потоа ќе имаат право на приговори за начинот на гласање и за објавените резултати, а по истекот на законските рокови резултатите ќе станат и конечни.

Контроверзиите што се случуваат во Судскиот совет изминатите месеци, а започнаа со тргањето на Весна Дамева од претседателската функција, продолжија и со изборот на нови членови. Името на единствениот кандидат од Врховен, судијата Наке Георгиев, периодов беше во фокусот на јавноста бидејќи против него се водеше постапка за утврдување одговорност во периодот кога тој беше претседател на Апелацискиот суд во Штип. Меѓутоа, еден ден пред да биде утврдена листата на кандидати, на затворен дел од седница Судскиот совет реши да ја запре постапката против Георгиев откако предметот за него беше држен во фиока неколку месеци. За истиот случај за кој се водеше постапка против овој судија за периодот кога тој беше на чело на штипска Апелација, пак, претходно беа разрешени тројца судии.

За кандидатите од скопското апелациско подрачје, пак, првично судијката Димовска беше единствена кандидатка бидејќи кандидатурата на Нанев беше одбиена како нецелосна. Но, тој поднесе приговор, па мнозинството членови на седницата што ја утврдуваше конечната листа го прифати и го смести Нанев на гласачкото ливче.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

А да кажеше фала?

Следно

(ВИДЕО) Како дојде до ескалација на ситуацијата во Собранието на Косово

Latest from Blog

Тоневски: Четвртоодделенците од „Никола Карев“ поставуваа прашања за работата на Општина Пробиштип

Ученици од четврто одделение при ООУ „Никола Карев“ ја посетија Општина Пробиштип и одблизу се запознаа со работата на градоначалникот, општинската администрација и надлежностите на локалната самоуправа. Во разговорот со градоначалникот Тони

МЕПСО инвестира во иднината на енергетиката: Се подготвува зајакнување на мрежата во југоисточниот регион

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на

Проданоски: Обезбедивме 10 телевизори за собите во Домот „Киро Крстески – Платник“

За собите во Домот за стари лица „Киро Крстески – Платник“ во Прилеп се обезбедени 10 нови телевизори во соработка со Тутунскиот комбинат АД Прилеп, соопшти градоначалникот Дејан Проданоски по посетата на

Коњановски: Битола и Турција ќе ја продлабочуваат соработката во економијата, културата и туризмот

Градоначалникот на Битола, Тони Коњановски, денеска се сретна со новиот турски амбасадор во Македонија, Алпер Акташ. Во фокусот на разговорот беа можностите за продлабочување на соработката во економијата, културата и туризмот. Коњановски

Николоски: Ќе се реконструира целиот пат од Валандово до Струмица преку Валандовско Брдо

Со комбинирана владина поддршка во инфраструкутрата, земјоделството и туризмот, правиме развој на општина Валандово. Предвидовме финансиска поддршка од околу 100 милиони денари, од кои 65 милиони денари се директно од буџетот на
Go toTop