(ФОТО+ВИДЕО) Пендаровски пристигна во Пустец, добредојде му посака албанскиот претседател Бегај

Шефот на државата и првата дама беа пречекани во центарот на Пустец од страна на албанскиот претседател Бајрам Бегај и неговата сопруга Арманда Бегај. Во чест на посетата на двајцата претседатели, потоа следуваше церемонија за добредојде проследена со кратка културно-уметничка програма во изведба на локални уметници

Претседателот Стево Пендаровски, во придружба на сопругата Елизабета Ѓоргиевска, утринава пристигна во Општина Пустец во рамки на еднодневната посета на Република Албанија.

Шефот на државата и првата дама беа пречекани во центарот на Пустец од страна на албанскиот претседател Бајрам Бегај и неговата сопруга Арманда Бегај, како и од градоначалникот Пали Колефски и локалните власти.

Во чест на посетата на двајцата претседатели, потоа следуваше церемонија за добредојде проследена со кратка културно-уметничка програма во изведба на локални уметници од Пустец.

По кусата церемонија за добредојде, претседателот и неговата сопруга продолжија во посета на црквата „Свети Архангел Михаил“ во Пустец.

Следно на агендата на претседателот ќе биде средба со локалните власти и посета на црквата и посета на училиштето во Пустец, по што ќе следи заедничка изјава за медиуми на двајцата претседатели.

Шефот на државата ќе го посети и селото Голомбок, по што ќе следува пленарен состанок на двете делегации. Во Пустец, Пендаровски ќе се сретне и со претставници на Здружението на Македонците од Албанија „Сонце“, по што заминува за Поградец каде што исто така ќе има средба со локалните власти.