(ФОТО+ВИДЕО) Ердоган прогласи победа во вториот круг од претседателските избори во Турција

May 28, 2023
1 min read

Откако пееше качен на автобус, актуелниот турски претседател ѝ се заблагодари на нацијата што на Турција ѝ дала „Ден на демократијата“

Да даде Бог, ќе бидам достоен за вашата доверба како што бев во последните 21 година – им порача Ердоган на своите подджувачи, кои се собраа пред неговата резиденција во Истанбул славејќи ја победата на Ердоган во вториот круг од претседателските избори

Турскиот претседател Реџеп Таип Ердоган, кој според досегашните изборни резултати најверојатно ќе освои уште еден претседателски мандат, прогласи победа во вториот круг од изборите во Турција.

Фото: EPA-EFE/TOLGA BOZOGLU

Иако официјалните резултати од вториот круг на претседателските избори сè уште не се објавени, Ердоган вечерва им се обрати на своите приврзаници, кои во голем број се собраа пред неговата резиденција во Истанбул, заблагодарувајќи им се што му ја дале одговорноста да владее во следните пет години.

Фото: EPA-EFE/ERDEM SAHIN

Откако пееше качен на автобус, тој ѝ се заблагодари на нацијата што на Турција ѝ дала „Ден на демократијата“.

Да даде Бог, ќе бидам достоен за вашата доверба како што бев во последните 21 година – им порача турскиот претседател на своите подджувачи, кои веќе ја слават неговата победа.

Фото: EPA-EFE/ERDEM SAHIN

Порча дека единствен победник е Турција и им се заблагодари на граѓаните што гласале за него.

„Го завршивме вториот круг од претседателските избори во корист на нашата нација. Единствениот победник на овие избори е Турција – победија сите 85 милиони луѓе во нашата земја. Вашата волја стана турска сила, неуништива сила“,

рече Ердоган во своето обраќање до поддржувачите во Истанбул.

Врховната изборна комисија на Турција соопшти дека актуелниот претседател Реџеп Таип Ердоган води пред неговиот противкандидат – опозиционерот Кемал Каличдароглу, според досегашните прелиминарни официјални резултати од вториот круг на претседателските избори.

Според досегашните официјални резултати и пребројани околу 75,4 отсто од вкупниот број гласови, Ердоган води со 53,4 отсто од гласовите наспроти Киличдароглу со освоени 46,5 проценти.

Во меѓувреме, турскиот весник „Хабертурк“ и новинската агенција Анадолија објавија дека според неофицијално обработени 99,3 отсто од вкупниот број на гласови, Ердоган води со освоени 52 проценти наспроти неговиот опонент Киличдароглу кој има освоено 47,9 отсто од гласовите.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Покетино и официјално нов тренер на Челси

Следно

Макрон со честитка до Ердоган за реизборот: „Ќе продолжиме да одиме напред заедно“

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop