(ФОТО) „ЕУ да ги прекине преговорите со С Македонија“, побараа демонстранти на протестот во Софија за нападот на охриѓанецот

January 21, 2023
2 mins read

Освен пред зградата на ЕК во Софија, демонстрантите се упатиле и кон зградата на Македонскиот културен центар каде однеле црвени рози. Тие избраа црвени рози, пишува новинската агенција БГНЕС, бидејќи од една страна ја симболизираат непотребно пролеаната крв, а од друга се симбол на љубов

Фото: БГНЕС

Пред зградата на Европската комисија (ЕК) во Софија се одржа најавениот протест за поддршка на претепаниот охриѓанец, Христијан Пендиков, на кој демонстрантите побараа напаѓачите да бидат казнети и веднаш да се прекинат преговорите за членство на Република Северна Македонија во ЕУ.

Пендиков, кој се декларира како Бугарин и е секретар на бугарскиот клуб „Цар Борис Трети“, беше нападнат на 19 јануари ноќта во угостителски објект на кејот во Охрид.

Организатори на протестот беа од клубот „Родољубие“ и тој беше најавен како граѓански, но како што пренесува БНТ, на него присуствувале претставници на различни политички формации.

Меѓу нив беше и лидерот на ултранационалистичката партија „Преродба“, Костадин Костадинов, кој рече дека ќе го почека до вторник сослушувањето на министерот за надворешни работи Николај Милков во парламентот, за потоа да процени какви мерки може да се побараат на политичко ниво.

Европратеникот на бугарската ВМРО, Ангел Џамбаски, пак, пренесува националната бугарска телевизија, ги доставил своите барања до сите европски институции за веднаш да се прекинат пристапните преговори со Северна Македонија.

Фото: БГНЕС

Агенцијата БГНЕС јавува дека освен пред зградата на ЕК во Софија, демонстрантите се упатиле и кон зградата на Македонскиот културен центар каде однеле црвени рози. Тие избраа црвени рози, пишува новинската агенција, бидејќи од една страна ја симболизираат непотребно пролеаната крв, а од друга се симбол на љубов.

Претепаниот охриѓанец, кој се декларира како Бугарин, вчера со владин авион на Бугарија беше пренесен на лекување во Софија.

Покрај острите реакции од бугарските политичари, бугарското МНР достави и протестна нота до амбасадорката на Северна Македонија во Бугарија, Агнеса Руси Поповска. Осуда за инцидентот искажа и државниот врв во Скопје, а охридското Јавно обвинителство синоќа соопшти дека отворило истрага против едно лице.

„Осомничениот, на 19 јануари, во кафе бар во Охрид, пристапил до маса на која седело едно лице, го удрил по главата, упатувајќи му ги зборовите – ’не ти е срам да се пишиш Бугарин‘ и се оддалечил. Неколку часа подоцна, кога оштетениот излегол од кафе барот и се движел кон неговото возило, осомничениот заедно со уште две други непознати лица го пресретнале и го нападнале, удирајќи го по главата и телото и нанесувајќи му тешки телесни повреди опасни по живот“,

соопшти Основно јавно обвинителство (ОЈО) Охрид.

За осомничениот, обвинителството побара од охридскиот суд да му определи и мерка притвор.

ПОВРЗАНИ ВЕСТИ:

„Не ти е срам да се пишиш Бугарин“ – Покрената истрага против 24-годишен охриѓанец за нападот на секретарот на бугарскиот клуб „Цар Борис Трети“

Македонскиот и бугарскиот премиер го осудија инцидентот во Охрид: Ковачевски му ветил на Донев разрешница на случајот

Тројца охриѓани завршија во притвор поради нападот на секретарот на бугарскиот клуб

Пендаровски бара истрага за претепаниот секретар на бугарскиот клуб „Цар Борис Трети“

Радев го осуди инцидентот во Охрид: На ЕУ уште еднаш ќе ѝ го предочам прашањето за почитувањето на правата на Бугарите во С Македонија

Бугарија со владин авион ќе го пренесе натепаниот секретар на „Цар Борис Трети“ во бугарска болница

ЕУ го осуди инцидентот во Охрид: Очекуваме властите брзо да го истражат случајот

Османи го осуди нападот на секретарот на „Цар Борис Трети“ и најави дека ќе го посети

Бугарија ќе испрати протестна нота до македонското МНР за претепувањето на секретарот на „Цар Борис Трети“

Претепан секретарот на бугарскиот клуб „Цар Борис Трети“ во Охрид

ИЗВОР: 360stepeni.mk

Leave a Reply

Your email address will not be published.

VERO JUMBO MACEDONIA

EVN MACEDONIA

MARKETING

Претходно

Интер му нуди договор на Смолинг до 2025 година

Следно

Две лица каснати од кучиња во Скопје

Latest from Blog

ВИДЕО: Палестинците масовно се евакуираат од Газа по големата офанзива на израелската војска

Илјадници семејства се обидуваат да избегаат од Газа додека израелската војска спроведува копнена операција како дел од нејзината голема офанзива насочена кон освојување на градот. Лина ал-Магреби, 32-годишна мајка на три деца

Боев и Зекири предложени за редовни членови на МАНУ, за дописни Миневски, Велев, Даутовски…

Изет Зеќири, економист и доскорешен ректор на Универзитетот „Мајка Тереза“ и Блажо Боев, геолог и поранешен ректор на Универзитетот „Гоце Делчев“ во Штип, се предлозите за нови редовни членови на Македонската академија

Слот потврди: Исак утре ќе дебитира за Ливерпул

фото: LiverpoolFC (X) Новото име во нападот на Ливерпул, Александар Исак веројатно ќе го има своето деби за „црвените“ утревечер кога тимот ќе игра против Атлетико Мадрид во Лигата на шампионите. Менаџерот

Брод со судански бегалци се запали покрај либискиот брег, најмалку 50 мртви

Меѓународната организација за миграција (ИОМ) денес соопшти дека најмалку 50 лица загинале откако брод со 75 судански бегалци се запалил во близина на либискиот брег во неделата. ИОМ соопшти дека им обезбедува

„И врапчињата знаат дека ДУИ раководи со Дрисла, ѓубрето во Скопје е резултат на неспособноста на Арсовска и нејзините другари од ДУИ“

На сите им е јасно кој раководи со јавните претпријатија во град Скопје. Дури и врапчињата знаат дека конкретно со Дрисла раководи ДУИ. Дрисла, ѓубрето во Скопје и состојбата во Дрисла е
Go toTop