Фон дер Лајен, Стармер и Макрон гледаат можност за завршување на војната во Газа по смртта на Синвар

October 18, 2024
1 min read

Претседателката на Европската комисија Урсула фон дер Лајен изјави дека смртта на лидерот на Хамас, Јахја Синвар, кој се смета за клучен во организирањето на терористичкиот напад врз Израел на 7 октомври минатата година, „значително“ го ослабува Хамас.

„Синвар беше водач на терористичка организација, терористичката организација Хамас“, рече Фон дер Лајен на крајот од европскиот самит во Брисел.

„Без сомнение, неговата смрт значително ќе го ослаби Хамас“, додаде таа.

„Велика Британија нема да плаче“ поради смртта на лидерот на Хамас, Јахја Синвар, кој е „мозокот зад најсмртоносниот ден во еврејската историја по холокаустот“, изјави британскиот премиер Кир Стармер, реагирајќи на веста за смртта на лидерот на Хамас.

Стармер додаде дека неговите мисли се со семејствата на жртвите од нападот на 7 октомври.

Во соопштението, лидерот на британските лабуристи повторно повика на ослободување на сите заложници, итен прекин на огнот и зголемување на хуманитарната помош за Газа, за, како што рече, „сите да се движат кон постојан мир на Блискиот Исток“.

Францускиот претседател Емануел Макрон оцени дека смртта на лидерот на Хамас претставува „можност“ што треба да се искористи за ставање крај на воените операции.

„Оваа можност треба да се искористи за да се овозможи ослободување на сите заложници и конечно да заврши војната“, рече Макрон на прес-конференција во Брисел.

Тој рече дека работи со израелските, арапските и американските партнери за да се постигне прекин на огнот во Газа и конечно да се отвори кредибилна политичка перспектива за Израелците и Палестинците.

Израелската армија вчера соопшти дека е убиен лидерот на Хамас, Јахја Синвар, кој важеше за изразен екстремист.

Извор: 24vesti.mk

VERO JUMBO MACEDONIA

EVN MACEDONIA

MARKETING

Претходно

Втор ден од министерскиот состанок на НАТО на кој учествува и министерот за одбрана Мисајловски

Следно

Тошковски: Имаме јасна и цврста волја за борба против организираниот криминал

Latest from Blog

Светиот пророк Захарија и праведна Елисавета

Според календарот на МПЦ (Јулијанскиот календар) денеска е 5 септември. Светиот пророк Захарија и праведна Елисавета Таткото на Свети Јован Предвесник. Син Варахиин, од родот на Авиј, кој ја држеше осмата чреда

Сообраќајот се одвива непречено, на граничните премини нема подолги задржувања

Сообраќајот на државните патишта се одвива непречено, по суви коловози. Интензитетот на патните правци надвор од градските средини е умерен, а на граничните премини од македонска страна, нема подолги задржувања за влез

Редарите на „Енфилд“ спречија најсрамна сцена: Симеоне тргна во пресметка со навивачите (ВИДЕО)

Сјаен натпревар во рамките на 1. коло од Лигата на шампионите на „Енфилд“ одиграа екипите на Ливерпул и Атлетико Мадрид. Токму кога помисливме дека по петте постигнати голови и драматичната завршница на

Чудото Пафос, голеада во Прага за реми!

Фото: Славија Прага Х Олимпијакос не ја оправда фаворитската улога против дебитантот во Лигата на шампиони, Пафос, откако во Атина одиграа без голови 0-0. Колку беше немоќен грчкиот тим говори и фактот
Go toTop