Тренерот на Барселона, Ханси Флик, денес откри неколку добри вести пред неговото враќање на „Камп Ноу“. Како што е познато, Барса се враќа на својот реновиран стадион по две и пол години, иако не целосно, бидејќи капацитетот е 45.000 седишта.
Ривал по мерка – Атлетик Билбао, а Флик потврди дека се враќаат и првиот голман Гарсија и капитенот Рафиња, додека го најави и претстојното враќање на Педри.
„Да, Гарсија ќе брани утре, тој е целосно подготвен. Рафиња се опорави, сметаме на него, ќе влезе во игра во второто полувреме, ќе видиме дали е 10 или 20 минути. Педри сè уште не е со нас, но ќе биде во составот за неколку дена. Нема да брзаме со него, одиме чекор по чекор, но впечатоците се добри. Рашфорд има температура, не тренирал два дена, ќе видиме како се чувствува утре“, рече Флик.
Посебна тема е Ламин Jамал, кој беше принуден да ги пропушти натпреварите за репрезентацијата поради терапијата што ја доби од медицинскиот тим на Барселона.
„Jамал се справува одлично и верувам дека е подготвен за утре. Многу сме задоволни од неговиот став и напорната работа за решавање на сите непријатности“, нагласи Флик.
Капитенот Френки де Јонг ќе биде надвор од теренот поради црвениот картон во последното коло.
Сепак, за Челзи во Лигата на шампионите, најверојатно ќе бидат таму Педри и Де Јонг, па од следната недела само Марк-Андре тер Штеген и Гави, кои отсуствуваат подолго време, би можеле да останат на списокот на повредени.
Натпреварот Барселона – Атлетик Билбао е закажан за сабота во 16:15 часот.
Извор: vecer.mk
