Финансиската полиција нареднава недела ќе отвори предмет за украсувањето на главниот град. Ова доаѓа откако Арсовска јавно се пофали дека Градот годинава за оваа намена потрошил само 30.000 евра.
Но она за што посебно падна во очи на јавноста е што на страницата за Јавни набавки нема тендер за украсување на Скопје што е законска обврска на секоја државна или јавна институција. Од Јавното обвинителство велат дека за да постапат, прво Финансиска ќе мора да оформи предмет.
– “Со оглед на изнесените наводи во конкретниот случај, Управата за финансиска полиција како орган надлежен за откривање на евентуални кривични дела и контрола на финансиските текови има надлежност да ги испита сите околности и да достави соодветно известување или пријава. Доколку Финансиската полиција не постапи, обвинителството ќе оформи предмет и ќе нареди да се извршат сите проверки“ велат од Јавното обвинителство
ИЗВОР: skopjeinfo.mk
