Фидан на Дипломатскиот форум во Анталија: Чесните луѓе од Западот повеќе не се рамнодушни кон бруталностите во Газа

АНТАЛИЈА (АА) – Турскиот министер за надворешни работи, Хакан Фидан, говорејќи на отворањето на третиот Дипломатски форум во Анталија, рече дека чесните луѓе од Западот повеќе не се рамнодушни кон бруталностите во Газа, јавува Анадолу.

На почетокот на поздравното обраќање, Фидан нагласи дека Дипломатскиот форум во Анталија стана важен бренд и платформа на идеи во дипломатијата, со акцент на плурализмот и реалните проблеми.

Потоа тој се осврна на ситуацијата во Газа, која од 7 октомври е цел на бруталните израелски напади, поконкретно на неадекватните реакции по прашањето на ситуацијата во Газа.

„Чинот на американскиот војник кој се самозапали затоа што не можеше да го поднесе своето соучесништво во масакрот во Газа е јасен показател на кризата на легитимитетот на меѓународниот систем“, рече Фидан.

Министерот нагласи дека денес е забележливо дека „чесните луѓе на Западот повеќе не се рамнодушни кон оваа бруталност во Газа“.

„Исламскиот свет, Глобалниот југ, совесните луѓе од Западот се на нозе. Меѓутоа, извршителите на масакрите се слепи и глуви на овој плач“, рече Фидан.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.