ГАЗА (АА) – Фармацевтот Самар Фараџала, кој живее во северниот дел на Газа, чија куќа и аптека се уништени во израелските напади, обезбедува лекови и медицински материјали за Палестинците од својата аптека во шатор, јавува Анадолу.
Аптеката ја отвори на 3 февруари во градот Газа со помош на семејството, по постигнувањето на договорот за прекин на огнот во Газа помеѓу Хамас и Израел.
На 19 јануари стапи на сила првата фаза од договорот за прекин на огнот и размена на заробеници помеѓу Хамас и Израел, со што беше запрена геноцидната војна на Тел Авив во која од октомври 2023 година се убиени над 47.500 Палестинци, а повредени се повеќе од 111.500.
Во ноември минатата година Меѓународниот кривичен суд (МКС) издаде налози за апсење на израелскиот премиер Бенјамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.
Поради израелската офанзива речиси целото население на енклавата беше принудено на раселување, а континуираната блокада предизвика сериозен недостиг на храна, чиста вода и лекови.
Израел се соочува и со случај за геноцид пред Меѓународниот суд на правдата (МСП) поради неговите постапки во Газа.
Извор: Anadolu Agency (AA)
