Политичкиот аналитичар Љуљзим Фаризи во Аргумент плус рече дека нашата Влада има добар став за резолуцијата на САД и треба да го следиме. Според него тоа што сме рамо до рамо со САД не значи дека сме против Европската Унија.
„Ние треба да го користиме тоа имајќи предвид дека САД е голема светска сила и треба да сме рамо до рамо со тој што ја движи силата. Владата има моментално добар став и треба да сме со отворено очи и да пливаме како ќе ги одговоара нас. Јас сум за, затоа што сме рамо до рамо со САД но не значи дека сме против ЕУ, кога ќе се договорат големите сили пак ќе бидат рамо до рамо и ние мора да бидеме со некој од големите сили. Можам да кажам дека кај администрацијата на Трамп оди на политика земи или остави“, изјави Фаризи.
Тој зборуваше и за тоа дека ако ние имаме став поразличен од ЕУ тоа не треба да значи дека не заслужуваме да бидеме дел од Унијата.
„Прво треба да бидеме јасни ние не сме дел од ЕУ, второ ЕУ има своја надворешна и безбедносна политика, ако ние имаме друг став од нив тоа не значи дека не треба да бидеме дел, нивната заедника политика не не поврзува со нив. Тие немаат ни јасен став. Имаат големи поделби и поинаку размислуваат како да се реши војната. ЕУ не е сконцентрирана да има само еден став бидејќи притисокот на САД е поразличен сега. Треба максимално да користиме се и сите линкови кои ги имаме со САД за да го позиционираме нашиот став кон Бугарија особено во процесот кон ЕУ“, рече Фаризи.
Извор: 24vesti.mk
