ТОРОНТО (АА) – Фахретин Алтун повторно е назначен за директор за комуникации при турското Претседателство, објавено е во Службениот весник рано утринава, јавува Анадолу.
Алтун на Твитер му се заблагодари на претседателот Реџеп Таип Ердоган, нагласувајќи ги единството и соработката.
„Би сакал да изразам благодарност до нашиот претседател, г. Реџеп Таип Ердоган, кој уште еднаш ми ја довери должноста директор за комуникации.“
„Во согласност со визијата на нашиот претседател, ќе работиме заедно за нашите цели за ‘Столетието на Туркије’ и ќе ја продолжиме нашата борба за вистината. Нека Алах секогаш ги чува нашето единство и солидарност“, истакна тој.
Алтун (47) првпат за директор за комуникации на Претседателството беше назначен од претседателот Ердоган на 25 јули 2018 година.
Ангажиран во истражувањата во областа на политичката комуникација, социологијата на медиумите и комуникациите, политичката социологија и културните студии, Алтун докторира во областа медиумски филозофии.
Извор: www.aa.com.tr
