Претседателот на Европскиот совет, Шарл Мишел, ги повикал лидерите на земјите членки на Европската Унија да продолжат со консултациите за тоа како може да се искористат овие средства
Европската Унија ја разгледува можноста за користење на замрзнатите средства на руската Централна Банка во износ од 300 милијарди долари за генерирање профит кој би се насочил за реконструкција на уништената инфраструктура во Украина.
„Фајненшл тајмс“ објави дека претседателот на Европскиот совет, Шарл Мишел, ги повикал лидерите на земјите членки на Европската Унија да продолжат со консултациите за тоа како може да се искористат овие средства.
„Ова е прашање на правда и правичност и мора да се реши во согласност со правните принципи“,
истакнал претседателот на Европскиот совет.
Според Мишел, имотот ќе ѝ биде вратен на руската држава доколку се потпише мировен договор.
Земјите членки на ЕУ минатиот ноември ги блокираа резервите на руската Централна Банка во износ од 300 милијарди евра како одговор на инвазијата на Москва на Украина.
Извор: 360stepeni.mk
