ИСТАНБУЛ (АА) – Ерменскиот премиер Никол Пашинјан денес изјави дека е подготвен да го потпише нацрт-мировниот договор што е договорен помеѓу неговата земја и соседен Азербејџан, јавува Анадолу.
„Нацрт-мировниот договор меѓу Ерменија и Азербејџан е договорен и чека да биде потпишан. Подготвен сум да го ставам мојот потпис на нацрт-договорот“, напиша Пашинјан во објавата на социјалната мрежа X.
Тој ја даде оваа изјава откако двете земји минатиот четврток одделно објавија дека се согласиле за нацрт-мировниот договор, кој има цел да стави крај на деценискиот конфликт и да воспостави дипломатски односи меѓу Баку и Ереван.
Односите меѓу овие две поранешни советски републики се тензични уште од 1991 година, кога ерменската војска го окупираше Карабах – територија што меѓународно е признаена како дел од Азербејџан – и седум соседни региони.
Најголем дел од оваа територија беше ослободен од Азербејџан за време на 44-дневната војна есента 2020 година, која заврши со мировен договор посредуван од Русија, што го отвори патот за нормализација и преговори за демаркација.
Во септември 2023 година Азербејџан воспостави целосен суверенитет над Карабах откако се предадоа сепаратистичките сили во регионот.
Извор: Anadolu Agency (AA)
