Ердоган во Анкара го прими косовскиот премиер Курти

АНКАРА (АА) – Турскиот претседател Реџеп Таип Ердоган денеска во Анкара се состана со косовскиот премиер Албин Курти, јавува Анадолу.

Ердоган го пречека премиерот на Косово со највисоки државни почести пред претседателската палата.

Курти синоќа отпатува за Туркије придружуван од првиот вицепремиер Бесник Бислими и вицепремиерката Емилија Реџепи.

Освен со Ердоган, предвидено е тој да се сретне и со министерот за надворешни работи Хакан Фидан, соопштија од Владата на Косово.

Курти престојот во Туркије ќе го продолжи во Истанбул, каде ќе учествува на првиот Економски бизнис-форум меѓу Косово и Туркије. На форумот ќе учествуваат бројни бизниси од Косово и Туркије, како единствена можност за проширување на можностите за економска и трговска соработка.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.