Ердоган: Турција е подготвена да биде домаќин на разговорите меѓу Русија и Украина

ИСТАНБУЛ (АА) – Претседателот на Турција, Реџеп Таип Ердоган, оствари телефонски разговор со рускиот претседател Владимир Путин, известува Анадолу.

Во соопштението што го објави Дирекцијата за комуникации на турското Претседателство, на состанокот биле разгледани односите меѓу Турција и Русија, како и регионални и глобални прашања.

Ердоган на рускиот претседател Путин пренесе дека неговата изјава мировните преговори меѓу Русија и Украина да продолжат во Истанбул од каде што застанаа е добредојдена, и дека Турција е подготвена да биде домаќин на преговорите што ќе обезбедат трајно решение.

Претседателот Ердоган изјави дека се отворил прозорец на можности за мир и дека сеопфатен прекин на огнот ќе создаде потребна средина за мировни преговори.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.