ИСТАНБУЛ (АА) – Претседателот на Туркије, Реџеп Таип Ердоган, истакна дека САД и Велика Британија користат несразмерна сила во Јемен, јавува Анадолу.
Ердоган по петочната молитва во Истанбул даде изјава за медиумите, во која говореше за нападите на САД и Велика Британија во Јемен.
„Сите овие акции вклучуваат користење несразмерна сила. Израел, исто така, користи несразмерна сила во Палестина“, нагласи Ердоган.
„Добиваме информации од различни извори дека Хусите извршиле многу успешна одбрана, успешно одговориле и против САД и Велика Британија“, истакна турскиот претседател.
САД и Велика Британија извршија напади врз повеќе цели во Јемен доцна во четвртокот како одговор на тековните напади со беспилотни летала и ракети од страна на Хусите, кои се поддржани од Иран, на меѓународните бродски патеки во Црвеното Море. Нападите на јеменската група започнаа во ноември како одговор на израелската војна против Газа.
Што се однесува до за тужбата на Јужноафриканската Република поднесена на Меѓународниот суд за правдата во Хаг против Израел за геноцид, Ердоган рече дека израелскиот премиер Бенјамин Нетанјаху нема каде да се крие, и дека нема одбрана за неговите дела.
„Би го видел (израелскиот) претседател (Исак) Херцог во многу поискрена атмосфера во овој момент, но во последно време тој исто така го имитира Нетанјаху, почнувајќи да дава многу различни изјави“, додаде Ердоган.
Тој истакна дека Израел сега ги изнесува своите аргументи на овој суд, и додаде: „Но документите што ги презентиравме ние се корисни за Хаг.“
Првиот ден од судењето заврши во четвртокот, откако амбасадорот на Јужноафриканската Република во Амстердам, Вусимузи Мадонсела, ги прочита деветте привремени мерки што неговата земја ги побара од Судот против Израел.
На првиот ден од судењето, јужноафриканската страна ги презентираше своите наводи против Израел пред МСП заедно со придружните причини и докази.
Правните претставници на Јужноафриканската Република во судскиот процес го обвинија Израел за „намерни дејствија против жителите на Газа, докажувајќи намера за геноцид“.
Извор: Anadolu Agency (AA)
