ИСТАНБУЛ (АА) – Претседателот на Туркије, Реџеп Таип Ердоган, рече дека Туркије вчера уште еднаш го повтори повикот за воспоставување независна држава Палестина, велејќи дека тоа е единствен начин да се плати долгот кон убиените палестински деца, јавува Анадолу.
„Сите имаме долг кон убиените палестински деца, а овој долг може да се плати само со воспоставување на независна држава Палестина“ рече Ердоган во своето обраќање пред амбасадорите во Анкара за време на ифтарот, вечерата по постот, како што го правеше тоа и досега во месец Рамазан.
Ердоган порача дека Туркије и во иднина ќе ги штити палестинските браќа, како што го правела тоа и досега, напоменувајќи дека никогаш нема да поклекне пред угнетувачите.
„Не можат да нѐ спречат убијците да ги нарекуваме убијци. Израелските лидери мора да одговараат за убиените бебиња во Газа, наместо да се обидуваат да ја прикриваат вистината за геноцидот“, рече Ердоган и додаде:
„Не можат да ни зборуваат за ништо оние кои ги убиваат цивилите додека чекаат во ред за храна.“
Претседателот Ердоган порача дека Туркије ќе продолжи да ѝ дава поддршка на Палестина во согласност со можностите.
„Ќе продолжиме да ја зголемуваме нашата помош преку нашите официјални институции, општини, фондации и здруженија во текот на месецот Рамазан“, рече турскиот претседател.
Извор: Anadolu Agency (AA)
