„Емилија Перез“ доби четири, а „Бруталист“ три златни глобуси, поведувајќи во трката за Оскари.
Нискобуџетниот „Бруталист“, кој следи маж кој го преживеал Холокаустот и доаѓа во Америка за да биде архитект, е прогласен за најдобра драма, а ги освои и наградите за најдобар актер (Ејдриен Броди) и за најдобар режисер (Брејди Корбет).
„Ова е приказна за човечкиот капацитет за создавање. Се надевам дека филмот ќе ги инспирира оние што се имигранти“, кажа Броди.
Најноминираниот филм на вечерта „Емилија Перез“ се закити со четири награди: најдобра комедија/мјузикл, најдобра женска споредна улога (Зое Салдања), најдобра оригинална песна и најдобар филм од неанглиско говорно подрачје.
Бразилската ѕвезда Фернанда Торес победи имиња како Никол Кидман, Анџелина Џоли и Кејт Винслет и освои Златен глобус за најдобра актерка во драма за „Уште сум тука“, додека во категоријата комедија/мјузикл наградата ѝ припадна на Деми Мур за хоророт „Супстанција“, кој означи нејзино големо враќање во Холивуд.
Себастијан Стан беше номиниран во двете главни актерски категории и на крајот го однесе Златниот глобус за најдобар актер во комедија/мјузикл за „Различен човек“.
ИЗВОР: sdk.mk
