Денеска пред пладне на паркингот позади трговскиот центар Мавровка е пукано врз еден човек кое му подлегало на повредитер. Паркингот беше окупиран од голем број на полициски екипи и медицинско возило и форензичари кои што го испитуваа местото на настанот и прибирање на доказен материјал. Според неофицијални информации на телевизија 24 убиениот човек бил златар со иницијали В.Е. Во потрагата беше вклучен полицискиот хеликоптер. Од министерство за внатрешни работи излегоа со соопштение дека биле вкупно тројца напаѓачи од кои два се уапсени по третиот сеуште се трага.
Во СВР Скопје било пријавено кривично дело убиство на паркинг простор пред трговски центар „Мавровка“ во Скопје, при што со огнено оружје е застрелано едно лице и починало на местото. Со оперативно – тактички мерки, затворање на дел од градското подрачје, преглед на повеќе домови и преглед на повеќе возила, во кои се вклучени специјални полициски сили, хеликоптери и дронови. Во периодот што следува во некои делови од град Скопје ќе има зголемено полициско присуство со цел целосно расчистување на случајот, информираат од Министерство за внатрешни работи.
За пукотниците што се случуваат низ Скопје реагираа и од опозицијата од каде уште еднаш побараа оставка од министерот за внатрешни Тошковски.
Граѓаните се вознемирени и се чуствуваат небезбедно. Ваквите пресметки стануваат секојдневие бидејќи МВР и Тошковски не успеваат да ги најдат сторителите и да ги расчистуваат случаите. Тошковски е најнеспособниот министер за внатрешни работи и веднаш треба да си даде оставка, велат од СДСМ.
Кон обвинувањата на СДСМ возвратија и од ВМРО ДПМНЕ.
Спасовски и СДС 8 години дозволија мафијашките банди толку да зајакнат што буквално се препукуваат низ Скопје. Владата на ВМРО-ДПМНЕ почна со санкционирање и институциите постапуваат побрзо од било кога. Мафијашките банди повеќе ја немаат заштита во институциите, како што го имаа во времето на Спасовски, велат од ВМРО ДПМНЕ.
Институциите работат засилено и безбедноста ќе биде на повисоко ниво од време на СДС.
За помалку од 24 часа во Скопје имаше две престелки. Синоќа се пукаше во Ченто населбата сингелиќ кон возило во движење во кое имало две лица од кои едниот беше тешко ранет и пренесен на понатамошно лекување на скопските клиники.
Извор: 24vesti.mk
