Министерството за внатрешни работи во својот дневен билтен соопшти дека во Гевгелија вчера биле пронајдени две починати лица на 45 години. Биле пронајдени во своите домови во различно време. Првиот во 11:20 часот, а вториот во 16:35 часот.
„На 07.08.2025 во 11:20 часот во ОВР Гевгелија било пријавено дека во домот во Гевгелија бил пронајден починат И.Г.(45) од Гевгелија. Лекар од Итна медицинска помош констатирал смрт без видливи траги на насилство, а по наредба на јавен обвинител телото било дадено на обдукција. Увид на местото извршила увидна екипа од ОВР Гевгелија.
На 07.08.2025 во 16:35 часот во ОВР Гевгелија било пријавено дека во домот во Гевгелија бил пронајден починат М.Р.(45) од Гевгелија. Лекар од Итна медицинска помош констатирал смрт без видливи траги на насилство, а по наредба на јавен обвинител телото било дадено на обдукција. Увид на местото извршила увидна екипа од ОВР Гевгелија.“, велат од МВР.
ИЗВОР: ТВ 21
