Професорот на факултетот за безбедност Никола Дујовски во Аргумент плус рече дека очекува плодна дискусија во петок во Собрание за законските измени во однос на казнената политика во сообраќајот. Според него покрај законските измени потребно е да се размисли за подобрување на сообраќајната инфраструктура.
„Видовме дека покрај двојната заштита посебно во делот на сообраќајот на пешаци каде законот јасно вредвидува дека возачот е должен да ја намали брзината и да се прилагоди на условите на патот со цел ако пешакот е на пешачкиот премин да може да го пропушти и од друга страна законот исто предвидува дека пешакот не смее да започне да поминува на пешачки доколку наидува возило. Двојната заштита нам не ни обезбедува гаранција“, рече Дујовски.
Тој објасни дека иако не е вообичаено да има зони на смирен сообраќај на главните градски булевари сепак потребно е сериозно да се разгледаат тие прашања и нешто што не е вообичаено да се примени со цел да се заштитат пешаците.
„Затоа ќе предложиме уште веднаш луѓето од Град Скопје и сите останати кои што ќе бидеме на таа јавна расправа да дискутираме за промена на структурата на главните градските булевари, не станува збор за многу такви точки, туку да воведме можост да се изградат зони за смирување на сообраќај или средства за смирување на сообраќајот кои што нема да го порпечуваат сообраќајот туку ќе го успорат со цел да бидеме сигурни дека нема да имаме вакви инциденти во иднина. Втората опција е мали кружни ткови кои што ја успоруваат брзината на движење“, изјави Дујовски и додаде дека возачите кај нас имаат ниска сообраќајна култура.
Кога станува збор за казнувањето на несовесните возачи, Дујовски потенцираше дека иако во Македонија казнената политика е соодветна и одговара на нашите услови сепак добро е да се разговара за зголемување на санкциите.
„Имаме парични казни но има и заштитни мерки во однос на забрана на управување на моторно возила од 3 до 12 месеци и треба да разговараме за одземање на подолго време или за прекинување на правото за управување со моторно возило, но тоа нема многу да не заштити еве и оваа ситуација е чист пример, лицето кое го управувало возилото било без возачка и возел со поголема брзина“, рече Дујовски.
Извор: 24vesti.mk
