Ден по централното претседателство на ДУИ во партиското седиште во Мала Речица од каде порачаа дека не ја исклучуваат можноста за протести наесен од партијата денеска со соопштение во кое бараат веднаш да започне меѓународно мониториран ветинг за секој политичар во последните триесет години. Според нив овој процес треба да биде транспарентен и независен, со вклучување на меѓународен надзор за да се обезбеди правда и доверливост.
„Стравот од целосен ветинг не се покрива со небулозни соопштенија. Јасно е дека секое доцнење во овој процес само ќе ги засили сомнежите на граѓаните за вистинската посветеност кон борбата против корупцијата. Бараме веднаш да започне меѓународно мониториран ветинг за секој политичар во последните триесет години“, додаваат од ДУИ.
Според нив овој процес треба да биде транспарентен и независен, со вклучување на меѓународен надзор за да се обезбеди правда и доверливост.
„Секое доцнење и одбивање само покажува дека гласноста за борбата против корупцијата е обид за прикривање на сопствената корупција“, завршуваат од ДУИ
Од владејачката ВМРО ДПМНЕ чиј партиски лидер го лиферуваше во јавноста наводниот план за дестабилизација од страна на ДУИ реагираат дека партијата на Ахмети не може да се помири со тоа што не се повеќе власт и тоа што нивните блиски повеќе не може да вртат милионски бизниси на грбот на државата…Додека народот врзуваше крај со крај, синот на Муса Џафери тргуваше струја, а МЕПСО на него и на неколку други фирми им отпиша долг од 14 милиони евра, додека народот се иселуваше внуците на Ахмети ја преземаа Соравија, влегуваа во бизнисот со струја и во рудници, велат од ВМРО ДПМНЕ.
Извор: 24vesti.mk
