ЕРУСАЛИМ (АА) – Дрон лансиран од Либан денес ја погоди резиденцијата на израелскиот премиер Бенјамин Нетанјаху во северен Израел, соопшти неговиот кабинет, известува Анадолу.
Во соопштението од Кабинетот на премиерот се наведува дека беспилотно летало лансирано од Либан го нападнал приватниот дом на Нетанјаху во Цезареја, на северот на Израел, информирајќи дека премиерот и неговото семејство не биле дома во моментот на нападот.
Претходно израелската армија објави дека од Либан биле лансирани три беспилотни летала, од кои два биле успешно пресретнати, додека третиот паднал врз зграда во Цезареја, на северот на Израел и дека нема информации за жртви.
Додека прекуграничната војна меѓу израелските сили и Хезболах продолжува по избувнувањето на војната во Појасот Газа во октомври минатата година, Израел ја интензивираше својата офанзива во Либан кон крајот на минатиот месец. Во нападите се убиени лидерот на Хезболах, Хасан Насрала, и голем број команданти на оваа организација.
Во опсежните израелски бомбардирања и гранатирања на Либан, проследени со копнена инвазија, убиени се повеќе од 1.500 лица, а околу 1,2 милиони луѓе се раселени.
Извор: Anadolu Agency (AA)
