Летот AF7562 на „Ер Франс“, кој сообраќаше на релацијата од аеродромот Орли во Париз до Ајачо, беше пренасочен кон Лион по нешто повеќе од 35 минути лет поради технички проблем.
Авиокомпанијата објави дека проблемот е поврзан со авион Ербас А320 , без да даде детали, објави BFM TV.
„Одлуката е донесена во согласност со процедурите на производителот, правилата на компанијата и примената на принципот на претпазливост“, соопшти авиокомпанијата.
Компанијата не даде детали, но некои патници соопштиле дека приметиле пламен на крилото и дека дошло до нагло губење на брзината и висината.
„Во еден момент, авионот одеднаш почна да паѓа. Сè се вклучи, копчињата светнаа, сè трепкаше. Еден човек ги зеде своите деца во раце затоа што мислеа дека авионот ќе се сруши“, изјави за RTL Кристел, една од патничките на летот Париз-Ајачо.
Според изјави на очевидци, преовладала голема паника во кабината и патниците почнале да врескаат. Авионот слетал нормално во 18:25 часот на аеродромот во Лион. Во 21:45 часот, патниците биле качени во друг авион за Бастија, од каде што со автобус биле превезени до Ајачо.
Извор: tv21
