Во време кога сѐ повеќе се грижиме за здравата исхрана, домашниот леб направен со природни состојки е одличен избор. Овој рецепт комбинира интегрално и ‘ржано брашно со овесни снегулки и ленено семе, што го прави не само вкусен, туку и хранлив оброк за целото семејство.
Состојки:
300 грама интегрално брашно
200 грама ‘ржано брашно
½ литар млака вода
1 кесичка сув квасец
1½ мала лажичка сол
70 грама овесни снегулки
30 грама семе од лен
Подготовка:
Сите состојки ставете ги во една длабока чинија и добро измешајте ги со лажица додека не се соедини смесата.
Подгответе тава за печење – премачкајте ја со малку масло и наросете ја со овесни снегулки. Истурете го тестото во тавата, покријте го и оставете го да одмори 30 минути.
Потоа, по желба, наросете одозгора уште овесни снегулки и семе од лен. За подобар изглед и вкус, може да го премачкате лебот со малку вода или млеко. Печете во загреана рерна на 190°C околу 25–30 минути, или додека лебот не добие златно-кафена кора.
Извор: kurir.mk
