Може да не се организираат избори за пратеници во дијаспората, бидејќи интересот да се гласа е многу мал. За да се организираат парламентарни избори во дијаспората, треба да има пријавено најмалку 5355 лица, колку што гласови добил пратеникот со најмалку гласови на последните избори. Досега се пристигнати само околу 1.000 барања од гласачи кои ги исполниле условите.
Во дијаспората ќе се организира гласање за избор на претседател, зашто претседателот се бира по мнозински систем.
„За да се отвори избирачко место во канцелариите на дипломатските конзуларни претставништва на нашата земја, мора да се појават најмалку 10 гласачи. Што се однесува до парламентарните избори, пратениците се избираат и во избирачката единица на дијаспората, според пропорционалниот модел, односно има и услов како попис од ваков вид”, рече Лупка Гугучевска, ДИК.
Од ДИК ги образложија последните законски измени.
„На претседателските избори на 24 април гласачите сигурно ќе можат да се легитимираат со валидни документи, но и со лична карта или пасош чиј мандат е истечен почнувајќи од 24 јули 2023 година. За парламентарните избори ќе можат да се легитимираат со валидни документи но и со лични карти и пасоши чиј рок е истечен почнувајќи од 08.08.2023 година“, нагласи Лупка Гугучевска, ДИК.
Од следните избори, ќе се сменат и правилата на игра дури за независните кандидати за пратеници и советници. Наместо 1000 потписи, сега ќе треба да соберат 1% од потписите од гласачите запишани на списокот во таа ИЕ. Во зависност од изборната единица или општината, тоа би било меѓу 3000 и 4500 потписи. Оваа одредба, според критичарите, создава неправеден натпревар за независните кандидати, но ДИК инсистира дека тоа е препорака на ОДИХР./Алсат.мк
Фатлуме Дервиши
Извор: alsat.mk
