Како што објави 24sata, децата го возеле автобусот до другиот крај на островот, до Супетар, а по патот удирале во знаци, пренесе Телеграф.
Имало значителна штета, а децата на крајот го оставиле автобусот на пристаништето во Супетар и се обиделе да го фатат траектот за Сплит, но полицијата ги спречила во тоа.
„Мислевме дека ќе загинат. Возевме од Бол и пред нас сретнавме автобус што се движеше кон Горњи Хумац. Возеше без светла и удираше во малите скали што беа покрај патот. Се оддалечуваше половина метар од патот“, изјави за 24sata читател кој бил сведок на бизарната и опасна кражба на автобус. Во видеото, кое можете да го погледнете ТУКА, можете да го видите автобусот како вози по улицата без светла.
Откако полицијата фатила двајца малолетници, било утврдено дека едниот од нив, 17-годишник, украл автобус во Бол вечерта на 4 ноември и го возел кон Супетар, предизвикувајќи сообраќајна несреќа и оштетувајќи го автобусот.
Освен автобусот, 17-годишникот оштетил и паркиран камион и неколку сообраќајни знаци за време на возењето, а во Супетар го запрел автобусот на патот. После тоа, тој, заедно со уште еден малолетник кој бил во автобусот со него, се обидел да избега од местото на настанот.
Извор: vecer.mk
