реклама
Единствена што се „радуваше“ од извештајот на ЕУ по се изгледа е поранешната министерка за правда, Рената Дескоска. Не дека извештајот е полн со забелешки и критики, туку затоа што во времето кога таа беше министерка оценките за судството беа „добар напредок“. За да го прикжае ова појасно, Дескоска на Фејсбук наведе различни оценки низ годините.
„Искрено се надевам дека секој следен извештај ќе биде подобар од претходниот или барем ќе покаже дека има напредок, дека нема стагнација во реформите, дека одиме напред. За жал, тоа не се случува во судството. Ако ги споредиме извештаите од 2019 година до денес, можеме да ги прочитаме следните оценки за реформите во правосудството:
2019 година – добар напредок
2020 година – добар напредок
2021 година – одреден напредок
2022 година – одреден напредок
2023 година – нема напредок“, напиша Дескоска.
реклама
Поранешната министерка Дескоска во своето пишување вели дека извештајот на ЕК треба да го вклучи алармот во Министерството за правда и во Судскиот совет. Таа ги повикува актуелните креатори на политиката да ја остават настрана суетата, бидејќи според неа, на овој простор „битката за ситни политички поени“ собрани преку преписки и јавни измами може да биде фатална.
На сето ова пишување на Дескоса реагираше актуелниот министер за правда, Кренар Лога, кој обвини дека тие што денеска држат предавања по право, до вчера правеле закони против правосудниот систем.
„Во мрак пишуваат законски измени за да го уништат правосудниот систем, на светло држат предавања за правдата. О ТЕМПОРА; О МОРЕС!“, напиша Лога.
Латинскиот израз „O tempora, o mores!“ го употребил Цицерон во својот говор против Катилина, додека во модерното време се користи како крик на очај против преовладувачките општествени или политички норми.
реклама
реклама
