Кратка, но значајна објава на социјалните мрежи од градоначалникот на општина Бутел, Дарко Костовски, предизвика позитивни реакции и дебата во јавноста. Со веќе познатата фраза за граѓаните на главниот град „Скопје и се е можно“, Костовски ја остави отворена можноста за нов, голем чекор во неговата политичка кариера – можен кандидат за Градоначалник на Град Скопје, пишува GAZETA.MK.
Дарко Костовски е еден од најактивните и најпосветените градоначалници во државата. Од првиот ден на преземањето на функцијата во општина Бутел, тој работи со иста енергија и решителност, реализирајќи ги прецизно сите изборни ветувања дадени пред граѓаните.
Транспарентноста, неуморната работа и постојаната заложба за подобрување на животот во секој агол на Бутел го направија почитувана и омилена личност кај сите жители, без оглед на етничката припадност или политичките убедувања.
За многумина, Костовски е пример за градоначалник кој не само што зборува и ветува, туку и дејствува. И токму затоа неговото име се почесто се споменува како идеален кандидат за водење на Скопје во нов развоен период. Според сите индиции, тој е вистинската личност што може да го трансформира главниот град во вистинска, модерна и функционална метропола.
Политичката сцена во Скопје станува се подинамична, додека граѓаните очекуваат ново лидерство со визија и посветеност. Доколку Дарко Костовски одлучи да се кандидира, нема сомнение дека ќе донесе нова енергија, јасна визија и, пред се, доверба дека Скопје повторно може да се врати на вистинскиот пат и да стане еден од најатрактивните главни градови во регионот.
