Кремпита е омилено слатко за многумина, а француската верзија на добро познатиот рецепт е со додавање вишни.
Со фил од свежо овошје и крцкаво лиснато тесто со крем од ванила, овој деликатес ќе ве освои уште на првиот залак.
Состојки:
500 гр лиснато тесто
1,5 л млеко
200 гр путер
10 лажици шеќер
500 мл шлаг
240 гр пудинг од ванила
Крем од вишни:
500 гр вишни
100 гр шеќер
1 пудинг од вишни
1 лажица густин
100 мл вода
Друго:
250 мл шлаг
шеќер во прав
Подготовка:
Пудингот изматете го во 500 мл млеко, додадете 3 лажици шеќер. Во тенџере истурете го преостанатиот литар млеко, додадете 7 лажици шеќер и оставете да зоврие. Додадете пудинг и варете, кога ќе згусне тргнете го од оган. Изладете, а потоа додадете 100 грама путер. Кога целосно ќе се излади, изматете го преостанатиот путер и додадете го во пудингот. На крајот кога убаво ќе се измеша се додава шлагот и се мати со миксер.
Лиснатото тесто развлечете го во димензии 30х35см, избоцкајте со вилушка и печете на 220 степени.
Постапката повторете ја со другото парче лиснато тесто. Измешајте вишни со шеќер. Кога ќе пуштат сок се ставаат да зовријат. Соединете 100 мл вода, пудинг и густин и прелијте ги вишните. Непрекинато мешајте додека кремот не се згусне.
Во тава за печење ставете од печеното лиснато тесто и покријте го со половина од кремот. Одозгора се става филот со вишни. Преостанатата половина од кремот ставете ја врз вишните. Изматете го шлагот и премачкајте го врз кремот. Преостанатиот лист лиснато тесто издробете го, па посипете го врз шлагот. Добро изладете и декорирајте со шеќер во прав.
Извор: kurir.mk
