Ќе ескалира ли судирот на Блисакиот Исток. Иранската влада се закани дека ќе му дозволи на Хезболах да ги прошири нападите врз Израел и да не се ограничува само на воени цели.
Одлуката на официјален Техеран следи по убиството на еден од главните команданти на либанското движење но и поради атентатот на лидерот на Хамас, Исмаил Ханија, кој беше убиен во Иран. Американските власти очекуваат Иран да нападне во следните неколку дена.
„Хезболах и израелскиот режим почитуваа одредени линии за напади кои беа преминати. Поради тоа, либанското движење нема да го ограничува својот одговор само на воени цели.“
Во меѓувреме, голема акција на воена полиција на Иран. Уапсени преку 20 лица осомничени за вмешаност во убиството на политичкиот лидер на Хамас, Исмаил Ханија. Меѓу приведените се разузнавачи, воени функционери и персонал во објектот управуван од Иранската револуционерна гарда. Според експертите, во владата постои сериозна загриженост дека атентатот бил овозможен поради голем пробив во безбедноста структура на државата.
„Перцепцијата дека Иран не може да ја заштити ни својата татковина ни своите клучни сојузници може да биде фатална за иранскиот режим, бидејќи во основа им сигнализира на своите непријатели дека ако не можат да ја срушат Исламската Република, можат да ја обезглават.“ – цели Али Ваез од Меѓународната кризна група.
Дека ситуацијата е сериозна јасно покажува и најновата одлука на американските власти да испратат воени бродови и авиони на блискиот исток а ќе биде инсталирана и противракетна одбрана.
Одлуката на САД за зајакнување на воените капацитети во регионот следува по заканите од Иран и Хезбохах дека ќе се одмаздат за убиството на лидерот на палестинско движење „Хамас“, Исмаил Ханија.
Извор: 24vesti.mk
