„Човекот кој не можеше да молчи“ на режисерот и сценарист Небојша Слијепчевиќ стана првиот хрватски филм кој освоил Златна палма на Канскиот фестивал. Овој филм победи во конкуренција на најдобри краткометражни филмови.
Филмот е снимен во копродукција со Бугарија, Франција и Словенија, а во актерската екипа се Горан Богдан, Алексис Маненти и Драган Миќановиќ.
Заснован врз вистински настан, дејството се случува во 1993 година на малата железничка станица во Штрпце, БиХ, кога паравоени сили запираат патнички воз на релацијата Белград-Бар. Додека одведуваат невини цивили, само еден од 500 патници им се спротивставува.
„Фантастично беше искуството што снимавме со меѓународна екипа. Актерите доаѓаат од многу земји, како Горан Богдан од Хрватска, Алексис Маненти од Франција и Драган Миќановиќ од Србија, кои сите се многу букирани. Подобро не можеше да биде“, изјави Слијепчевиќ.
Претходно, само уште еден хрватски филм беше во главната натпреварувачка програма во Кан, „Чао мама“ на Горан Одворчиќ во 2009.
ИЗВОР: sdk.mk
