Челникот на групата Вагнер тврди дека украинскиот град Бахмут е речиси опколен

1 min read

МОСКВА (АА) – Евгениј Пригожин, челникот на руската паравоена група „Вагнер“, вклучена во руската „специјална воена операција“, денес истакна дека неговите борци речиси го опколиле украинскиот град Бахмут, пренесува Анадолу.

Во видеото објавено на Телеграм, Пригожин вели дека само еден пат останал под контрола на украинските сили.

Пригожин му се обрати и на украинскиот претседател Владимир Зеленски, барајќи од него да дозволи децата и постарите лица да го напуштат градот.

„Апелирам до претседателот на Украина… Ако порано професионалната украинска Армија се бореше со нас, денес гледаме сè повеќе стари луѓе и деца. Тие се борат, но нивниот живот во Бахмут е краток, ден или два. Дајте им можност да го напуштат градот“, рече Пригожин.

Бахмут е голем транспортен центар преку кој украинските војници во Донбас се снабдуваат со оружје, воена опрема и муниција.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..

Извор: www.aa.com.tr

Претходно

Малишиќ: Од утре ќе има леб од 33 денари, битката ќе ја водиме на суд

Следно

Стајковци добива нова спортска сала која ќе го носи името на бранителот Бобан Ивановиќ

Latest from Blog