реклама
Сообраќајниот хаос што се создава на булеварот Цветан Димов во општина Чаир, познат како Чаирчанка, ќе остане дел од секојдневието граѓаните уште долго. Тоа е затоа што постапката за проширување на овој булевар е закочена од страна на Град Скопје. Информацијата за ТВ21 ја соопшти градоначалникот на оваа општина, Висар Ганиу, кој пред три месеци изјави дека почнала евалуацијата на градбите околу патот, кои треба да се отстранат.
-Евалуацијата започна и според информациите што ги имавме тогаш, до 70% од објектите завршиле со проценките, но веднаш има стагнација и нема комуникација за тоа прашање, што понатаму. Мислам дека треба да седнеме со градоначалникот и со сите служби на Град Скопје и нашите служби за урбанизам и да видиме зошто динамиката не е како што беше најавено и да продолжиме, бидејќи има стагнација во таа насока“, рече Ганиту.
Ганиу не знае зошто е стопиран проектот, но предложи да ја прашаме градоначалничката Арсовска за причините. Дали наидоа на некакви проблеми во текот на процедурата или скопската градоначалничка Арсовска веќе не е заинтересирана за Чаир, бидејќи Ганиу е дел од новиот субјект на Демократското движење?
-Не знам сега дали е случајност или не тоа што се случи. Сигурно причините треба да се бараат кај г-ѓа Арсовска, но повторувам дека ние како општина Чаир на почетокот на овој втор мандат и првиот мандат на г-ѓа Арсовска бевме опоненти, но секогаш сме се обидувале да одржуваме добри институционални односи-изјави Ганиу.
Од Град Скопје немаше одговор зошто процедурата стагнира и кога може да почне проширувањето на булеварот Цветан Димов во Чаир.
реклама
реклама
